2 جنوری 2026 سے، جنوبی کوریا کی وزارتِ انصاف نے غیر ملکیوں کے لیے ملازمت کی معلومات کی لازمی رپورٹنگ کے نظام کو آن لائن تک وسیع کر دیا ہے۔ اب غیر ملکیوں کو امیگریشن آفس جانے کی ضرورت نہیں ہے۔ وزارتِ انصاف کی ویب سائٹ HiKorea پر آسانی سے رپورٹ کی جا سکتی ہے۔ یہ ایک ایسی تبدیلی ہے جس سے وقت اور پیسہ دونوں کی بچت ہوگی۔

ملازمت کی معلومات کی رپورٹنگ اس وقت ضروری ہوتی ہے جب ملازمت کی نئی صورتحال پیدا ہو۔ اس کے علاوہ، اگر سالانہ آمدنی، ملازمت کی قسم ، صنعت، یا کام کی جگہ کی معلومات میں تبدیلی آئے، تب بھی یہ رپورٹ کرنا لازمی ہے۔ رپورٹنگ کی یہ ذمہ داری غیر ملکی رجسٹریشن‏ (ARC)‏‏ کے اندراج کے وقت سے لاگو ہوتی ہے۔ اس کے بعد جب بھی ملازمت سے متعلق معلومات تبدیل ہوں، دوبارہ رپورٹ کرنا ہوگی۔

رپورٹ کرنے کے پابند وو تمام غیر ملکی ہیں جو معاشی سرگرمیوں میں حصہ لیتے ہیں۔ اس میں E1 سے لے کر E10 تک تمام پروفیشنل اور ورک ویزا ہولڈرز شامل ہیں۔ اس کے علاوہ D-7, D-8, D-9, H-2, F-6, F-4, F-2 ویزا ہولڈرز پر بھی اس کا اطلاق ہوتا ہیں۔ معاشی سرگرمی شروع کرنے یا ملازمت تبدیل کرنے کی صورت میں رپورٹ کرنا لازمی ہے۔

رپورٹ کرنے کا طریقہ کار سادہ ہے۔ سب سے پہلے HiKorea کی ویب سائٹ (https://www.hikorea.go.kr/) پر جائیں۔ مشترکہ سرٹیفکیٹ (Joint Certificate) یا سادہ تصدیق (Simple Authentication) کے ذریعے لاگ ان کریں۔ الیکٹرانک پٹیشن (e-Application) مینو میں سے رہائش کا انتظام (Stay Management)، ملازمت کی معلومات کی رپورٹ یا تبدیلی کا انتخاب کریں۔ کام کی جگہ کی معلومات، ملازمت کی قسم، سالانہ آمدنی، اور کام شروع کرنے یا تبدیلی کی تاریخ درج کریں۔ بزنس رجسٹریشن سرٹیفکیٹ جیسے متعلقہ دستاویزات منسلک کریں اور جمع کروا دیں۔ درخواست جمع کروانے کے بعد دفتر جانے کی ضرورت نہیں ہے۔ آپ اپنی درخواست کی صورتحال My Page پر دیکھ سکتے ہیں۔

کچھ ضروری باتیں یاد رکھنا بھی اہم ہے۔ تبدیلی کی تاریخ سے 15 دنوں کے اندر رپورٹ کرنا لازمی ہے۔ یہ مدت معاہدے کی تاریخ سے نہیں بلکہ اصل تبدیلی کی تاریخ سے گنی جاتی ہے۔ رپورٹ نہ کرنے یا تاخیر کرنے کی صورت میں جرمانہ عائد کیا جا سکتا ہے۔ اگر آپ ایسی ملازمت کی رپورٹ کرتے ہیں جس کی اجازت نہیں ہے، تو اسے ویزہ قوانین کی خلاف ورزی تصور کیا جائے گا۔ ویزہ کی قسم کے لحاظ سے ذمہ داریاں مختلف ہو سکتی ہیں، اس لیے پہلے سے تصدیق کرنا ضروری ہے۔ اگر آپ کی ویزہ کی مدت باقی ہے لیکن ملازمت کی معلومات بدل گئی ہیں، تو فوری طور پر رپورٹ کریں۔

اس نظام کے نفاذ سے غیر ملکیوں پر انتظامی بوجھ کم ہوگا۔ ساتھ ہی، قانونی ذمہ داریوں کی ادائیگی زیادہ واضح ہو جائے گی۔ آن لائن رپورٹنگ نے سہولت تو بڑھا دی ہے، لیکن مقررہ مدت کی پابندی اور درست معلومات کی فراہمی اب بھی آپ کی اپنی ذمہ داری ہے۔

مزید مضامین دیکھیں >